Скокни до главната содржина

Првичен состанок на РГ4

На 31 Мај 2021, преку платформата zoom се одржа првичен состанок на работната група 4. Најпрво националниот координатор Проф. Милева Ѓуровска најави дека проектот ќе трае уште најмалку 2 години и оваа фаза е подржана од USAID. Таа нагласи дека има одредени работи кои мора да бидат акцентирани, а тоа се заклучоците и резултатите.

Присутните беа среќни што проектот продолжува и дискутираа на повеќе теми во однос на идната сесија, која е планирана да се оддржи на 06 Јули 2021.

Темите кои беа дискутирани беа во однос на миграцијата, корупцијата, криумчарењето на миграни и трговијата на луѓе, како и за повратниците од Сирија и Ирак.

На крајот беше договорено да се дефинира темата во најбрз можен рок за да има доволно време за квалитетно да се подготви.

На средбата учествуваа:

Јованка Аврамовска – Државен советник за правни работи на држаниот секретар во МВР, Трпе Стојановски – Професор и експерт на НКЕУ-МК, Александар Нацев – Професор и експерт на НКЕУ-МК, Андреј Лепавцов – Амбасадор и копретседавач, додека од тимот на НКЕУ-МК присутни беа: Проф. Милева Ѓуровска, Национален координатор и претседателка на Европско движење, Никола Тодоровски – Координатор на работна група 4 и Никола Јазаџиски – Проектен асистент.